Civil Engineering
Egypt - Damietta
500 Employees or more
حبيت بس احذر كل الناس من شركة رفعت الموجودة في المهندسين انهم يحذروا جدا في التعامل مع شركة زي دي فهي بتاخد عمولات كبيره اوي وكمان لو انت جايلك تأشيرة عليها ما توافقش لانهم بياخدوا عموله حوالي 4000 جنيه او اكثر ,, على حسب قدرتهم في النصب والضحك عليك وكل شويه يطلبوا فلوس ,, مره يقولوا تصديق الشهاده بيتكلف 500 جنيه ومره تانيه التوثيق بيتكلف 400 جنيه وشغل كله نصب في نصب والمفروض انهم ياخدوا 1000 جنيه مدام الكفيل هو اللي باعت ليك التأشيرة مباشرة ثانيا ودي الاهم كل الشركات والمكاتب اللي في السعوديه اللي بتتعامل معاها نصابه ومش بتوفي بالاتفاقات اللي اتفقتوا عليها من تأخير في المرتبات و مشاكل كبيره مع الكفيل وعدم توفير السكن المتفق عليه ,, ومفيش اي زياده نهائيا ولا مكافئة سنويه ولا غيره ووضع شروط جزائية علشان يفضل الكفيل يذل ويتنطط عليك وغيره من المشاكل اللي اصدقاء كتيره ليا وقعوا فيها والله لي اكتر من صديق سافروا من على طريق مكتب رفعت للرياض وغيرها من المناطق في السعوديه واتنصب عليهم واكتر من 4 شهور مش بياخدوا راتبهم ورجعوا بطلوع الروح وخناقات كبيره مع الكفيل وترجع للمكتب يقولك ما لناش دعوه بعد ما كانوا بيقولوا ليك احنا هنجيب لك حقك لو انضحك عليك هناك وهتاخد كل فلوسك يقوموا يلبسوك في حيطه وكل المكاتب والشركات اللي بيتعاملوا معاها بتأخر الرواتب بصوره بشعه لدرجة انك تقضيها سلف من هنا ومن هنا وبيتحط عليك شروط جزائية ومعامله متعجرفه من الكفيل واكتر حاجه ضايقتني ان مكتب رفعت النصابين بيجملوا اوي في كل المكاتب او الشركات اللي انت طالع عليها في السفر واغلب اماكن الشركات اللي بيتعاملوا معاها في السعوديه في الدمام رواق الخليج وفي الرياض مجموعه من الشركات النص كم والنصب الدائم,, وغيرها وغيرها فياريت ياجماعه ما نستعجلش في السفر الا لما نتأكد تماما من كل حاجه المكان اللي انا رايح عليه واسم الشركه وكل بياناتها في السعوديه وهل هما تصنيف اول ولا لا واحاول اتصل باي معرفه ليا في الغربه تسأل عن المكان اللي انا رايحه ،، وكل حاجه اكتبها في العقد من سكن و راتب وزيادة سنويه و حتى المكالمات لو متفقين عليها وصلوا دايما صلاة استخاره وربنا يكرمكوا يارب فاحذروا يا اخواني اللهم قد بلغت اللهم فاشهد